20 May 2024

VERGİLƏR

SOSİAL-İQTİSADİ ONLAYN QƏZET

"Kölgə"dən çıxan sahibkarların kredit əldə etməsi asanlaşır

Banklar daha çox istehlak kreditləri verməyə çalışsa da, son vaxtlar biznesin maliyyələşdirməsinə də maraq artıb.

İqtisadi Resursların Öyrənilməsi Mərkəzinin sədri Ruslan Atakişiyevin sözlərinə görə, ölkə iqtisadiyyatında şəffaflıq artdıqca biznesin kredit əldə etməsi də asanlaşacaq: "Ölkə başçısının çağırışından sonra biz bank sektorunda bir neçə məsələdə dəyişiklik görürük. Birincisi, bank sektorunda sənaye, istehsal sahəsi ilə işləməyə bir meyillilik yaranıb. Bu, rəqəmlərdə də görünür. Məsələn, 2019-cu ilin sonunda istehsala, sənayeyə ayrılan kreditlərin həcmi ümumi kredit qoyuluşlarının 5 faizini təşkil etdiyi halda, fevral ayında bu göstərici 7 faizi keçib.

Faizlərin də azaldığı müşahidə edilir. Vaxt var idi ki, biznes kreditləri illik 25-28 faizlə təklif olunurdu. 2019-cu ildən faizlərdə azalma başlayıb və hazırda illik 14-16 faizlə kredit götürmək mümkündür.

Bu prosesdə dövlətin atdığı çox ciddi addımlar var. Əvvəla, devalvasiyadan sonra bankların artan "problemli kreditlər məsələsi" həll edildi. Daha sonra mərhələli olaraq uçot dərəcəsi aşağı salındı. Mərkəzləşdirilmiş kreditlər üzrə faiz dərəcəsinin 7,25 faizə qədər azaldılması kommersiya banklarının Mərkəzi Bankdan vəsait götürmək imkanlarını genişləndirdi.

Vergi Məcəlləsinə edilən dəyişikliklərdən sonra ölkə iqtisadiyyatında şəffaflaşma meyilləri artdı, bir sıra bizneslər "kölgə"dən çıxmağa başladı. Təbii ki, müəssisələrin şəffaf fəaliyyət göstərməsi onların maliyyə vəsaiti əldə etməsini asanlaşdırır. "Kölgə iqtisadiyyatı"na qarşı mübarizə tədbirləri artdıqca, biznes kreditlərinin də həcminin genişləndiyini müşahidə edəcəyik".

Səbuhi TURAN

VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı VergiQeyri-sahibkarlıq fəaliyyətindən əldə edilmiş gəlirlər hansılardır? VergiHansı halda xaricdə əldə olunan gəlirlərə görə vergi öhdəliyi yaranmır? VergiXarici ölkədə gəlir əldə edən şəxs VÖEN almalıdırmı?