24 May 2022

VERGİLƏR

SOSİAL-İQTİSADİ ONLAYN QƏZET

Fermerlər EKTİS üzərindən aqrar xidmətləri elektron qaydada sifariş edə biləcəklər

Kənd Təsərrüfatı Nazirliyi öz fəaliyyətində fermerlərə yaxınlıq, şəffaf və səmərəli idarəetmə, innovasiyaların tətbiqi prinsiplərinə əsaslanır. Elektron Kənd Təsərrüfatı İnformasiya Sistemi bu prinsipləri ümumiləşdirilmiş şəkildə özündə birləşdirir. Hər üç prinsip fermerlərə daha keyfiyyətli xidmət göstərməyi, xidmətləri kənd təsərrüfatı məhsullarının istehsalçıları üçün daha əlçatan etməyi nəzərdə tutur. Bu fikirləri Kənd Təsərrüfatı nazirinin müavini İlham Quliyev Elektron Kənd Təsərrüfatı İnformasiya Sisteminin tətbiqi və payızlıq əkinlərin bəyan edilməsi ilə əlaqədar Bərdə və Yevlax rayonlarında keçirilmiş görüşlərdə söyləyib.

Nazir müavini bildirib ki, yeni aqrar subsidiya mexanizminin tətbiqi aqrar sahəyə dövlət dəstəyinin elektron hökumət üzərindən həyata keçirilməsini nəzərdə tutur: "Bununla əlaqədar artıq bir ildir ki, Elektron Kənd Təsərrüfatı İnformasiya Sistemi istifadəyə verilib. İlin əvvəlindən başlayaraq görülən işlər nəticəsində 350 mindən artıq fermer yeni sistemdə qeydiyyatdan keçirlər. EKTİS fermerlərə bir sıra üstünlüklər verir. Aqrar xidmətlərin elektronlaşdırılması nəticəsində subsidiyaların verilməsinə kağız sənəd dövriyyəsi aradan qalxacaq, ünvanlılıq, əlçatanlıq daha yaxşı təmin olunacaq. Sistemdə özünə şəxsi kabinet yaradan fermerlər EKTİS üzərindən təkcə subsidiya almayacaq, həmçinin mobil telefon, planşet və masaüstü kompüter vasitəsilə aqrar xidmətləri sifariş edə biləcəklər. Xidmətlərin göstərilməsində şəffaflıq, operativlik və əlçatanlığın təmin olunması aqrar sahənin daha da inkişafına müsbət təsir göstərəcək".

Görüşlərdə iştirak edən Kənd Təsərrüfatı Nazirliyi Aparatının nümayəndələri iştirakçılara EKTİS-də qeydiyyat və payızlıq əkinlərin bəyan edilməsi proseduru, məlumatların daxil edilməsi ardıcıllığı barədə geniş məlumat verib, sualları cavablandırıblar. Vurğulanıb ki, fermerlər EKTİS-in tətbiqi ilə əlaqədar ortaya çıxan sualları Dövlət Aqrar İnkişaf mərkəzlərinə və nazirliyin "1652" saylı Çağrı Mərkəzinə ünvanlaya bilərlər. Həm DAİM-lərdə, həm də "ASAN xidmət" mərkəzlərində yaradılmış xidmət pəncərələrində fermerlərə gün ərzində informasiya-məsləhət xidməti göstərilir.

Qeyd edək ki, EKTİS-in tətbiqi və payızlıq əkinlərin bəyan edilməsi ilə əlaqədar fermerlərə köməklik göstərmək üçün bütün rayonlarda DAİM-lər nəzdində mobil səyyar qruplar yaradılıb. Qrup üzvləri kəndlərə gedərək fermerlərə payızlıq əkinləri bəyan etməsi ilə bağlı texniki xidmət göstərirlər.

Kənd Təsərrüfatı Nazirliyi bu günədək 20 rayonda Elektron Kənd Təsərrüfatı İnformasiya Sisteminin tətbiqi ilə bağlı görüşlər keçirib. Bu cür görüşlər Azərbaycanın bütün rayonlarını əhatə edəcək.

İqtisadiyyatİqtisadiyyat naziri Mikayıl Cabbarov Səudiyyə Ərəbistanı Krallığının investisiya naziri ilə görüşüb İqtisadiyyatBirləşmiş Ərəb Əmirlikləri ilə iqtisadi-ticarət əlaqələri və əməkdaşlıq perspektivləri müzakirə edilib İqtisadiyyatAzərbaycanda iqtisadiyyatın şaxələndirilməsi, yaşıl iqtisadi artım məsələləri müzakirə olunub SosialŞəhid ailələri üzvləri və müharibə iştirakçılarından ibarət 93 min şəxsə sosial ödənişlər təyin olunub İqtisadiyyatDaha 2 faydalı qazıntı yatağı hərraca çıxarılıb İqtisadiyyatAzərbaycan-Litva biznes-forumu işini müzakirələrlə davam etdirib İqtisadiyyatHicran Hüseynova: Qadınların əmək bazarına lazımi bacarıqlarla çıxması üçün innovativ maliyyə mexanizmləri yaradılmalıdır MüsahibələrEldəniz Əmirov: Vergi daxilolmalarının artması iqtisadi islahatlarla bağlıdır MÜSAHİBƏ İqtisadiyyatAvropa İttifaqı-Azərbaycan biznes forumu keçirilib VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb