23 Aprel 2024

VERGİLƏR

SOSİAL-İQTİSADİ ONLAYN QƏZET

Azərbaycanın qeyri-neft ixracının 35 faizi Rusiyanın payına düşür

"Son zamanlar Rusiya-Azərbaycan əlaqələri çox sürətlə inkişaf edir. İldən-ilə bu inkişaf özünü göstərir. İqtisadi əlaqələr daha çox qeyri-neft sektoru, texnologiyalar, kənd təsərrüfatı, aqrar sektor, istehsal, xidmət ixracı, turizm istehsalı, yəni bu cəhətdən baxsaq əlaqələr kifayət qədər zəngin və çox çeşidlidir".

Millət vəkili Tahir Mirkişili ölkələrarası iqtisadi əlaqələri şərh edərkən deyib ki, bu günədək Azərbaycan Rusiya iqtisadiyyatına 1,2 milyard dollara, Rusiya isə Azərbaycan iqtisadiyyatına 4,9 milyard dollara yaxın investisiya qoyub. Bu gün Azərbaycanın qeyri-neft ixracının təxminən 35 faizi, kənd təsərrüfatı məhsullarımızın ixracının isə 90 faizi Rusiyanın payına düşür. Rusiyaya bitki mənşəli məhsullar ixrac edən ölkələr arasında isə Azərbaycan 5-ci yerdədir".

T.Mirkişili hesab edir ki, iki ölkənin biznes subyektləri arasında müasir biznesin tələb etdiyi formada əməkdaşlıq formalarının yaranmasına ehtiyac vardır. Bu, ötən ay keçirilən forumda müzakirə olunan əsas məsələlərdən olub: "Təcrübə göstərir ki, ölkələr arasında münasibətlərin inkişafında təkcə siyasi və iqtisadi münasibətlərin yüksək səviyyədə olması kifayət eləmir. Bu əlaqələrin daha dayanıqlı, etibarlı olması üçün münasibətlər humanitar, etimad yaradan dəyərlərlə müşayiət olunmalıdır. Bu gün Rusiya-Azərbaycan münasibətləri tarixdə heç zaman olmadığı qədər yüksək səviyyədədir. İndiyədək görülən işlər, qarşılıqlı əlaqə və bağların kifayət qədər inkişaf etdirilməsi çox mühüm səylərin nəticəsində mümkün olub. Dövlətlərarası münasibətlər o zaman əsl dostcasına və dayanıqlı olur ki, üç sütun: iqtisadi, siyasi və humanitar dayaqlar üzərində qurulsun. Bu cəhətdən son zamanlar qonşu ölkəyə səfərlər hər üç komponenti özündə birləşdirməklə Azərbaycan-Rusiya münasibətlərini gələcəkdə daha çox qırılmaz, dönməz, hər iki xalqın mənafeyinə xidmət edə biləcək sağlam münasibət səviyyəsinə gətirib çıxarır. Dəyişkən dünyada bu cür münasibət qurmaq hər bir dövlət liderinə nəsib olmur. Bu, əldə etdiyimiz çox böyük uğurdur".

Millət vəkili bu fikirdədir ki, iki ölkə arasında iqtisadi əlaqələri əks etdirən rəqəmlər mövcud potensialı tam əks etdirmir. Onun sözlərinə görə, son forumda sahibkarlar arasında bağlanan çoxsaylı müqavilələr, bütövlükdə sənayenin inkişafı ilə əlaqədar yeni istiqamətlərin müəyyən olunması deməyə əsas verir ki, Rusiya-Azərbaycan iqtisadi münasibətləri bundan sonra daha da böyüyəcək.

VergiDividendlərə tətbiq edilən vergi güzəşti ilkin emissiyadan sonra öz aralarında alğı-satqı edən fiziki şəxslərə aiddirmi? VergiMikro sahibkarlıq subyektlərinə hansı güzəşt tətbiq edilir? Vergi“Vergi və hesabatlılıq” işçi qrupunun videokonfrans formatında iclası keçiriləcək VergiNaxçıvanda 1,5 mindən çox yeni vergi ödəyicisi qeydiyyata alınıb VergiMüharibə veteranı adı almış fiziki şəxslərə hansı vergi güzəşti tətbiq olunur? VergiƏDV-nin müvafiq hissəsi geri qaytarılmadıqda nə etməli? VergiOnlayn ticarətlə məşğul olan fiziki şəxsin hansı vergi öhdəlikləri yaranır? VergiYeni nəsil NKA-lar vasitəsilə dövriyyə 5,3 mlrd. manatdan çox olub VergiMənzil alınarkən ƏDV-nin geri qaytarılması bütün MTK-lara şamil olunur? VergiHansı vergi ödəyiciləri sadələşdirilmiş verginin ödəyicisi ola bilməz?