6 Dekabr 2022

VERGİLƏR

SOSİAL-İQTİSADİ ONLAYN QƏZET

Maliyyə sektorunda islahatlar davam edir

Prezident İlham Əliyevin rəhbərliyi ilə sosial-iqtisadi sahədə institusional islahatlarla yanaşı, ölkədə kadr islahatları, dövlət qurmlarının fəaliyyətində dinamikliyin artırılması və çevikliyin təmin edilməsi, iqtisadiyyatın artan inkişaf templəri ilə ayaqlaşması üçün struktur islahatları davam etdirilir.

Millət vəkili Vahid Əhmədov inkişafa islahatların davamlı olması ilə nail olmağın mümkünlüyünü bildirib: "Müəyyən nazirliklər, komitələr birləşdirilir, bəzi qurumlar ləğv edilir və yeniləri yaradılır. Bunlar gözlənilən idi. İndi yeni baş nazir təyin olunub, onun da bu istiqamətdə müəyyən fikirləri var. Bizim əsas məqsədimiz islahatlar yolu ilə ölkədəki problemləri aradan qaldırmaq və iqtisadi inkişafa nail olmaqdır".

Vahid Əhmədovun sözlərinə görə, Maliyyə Bazarlarına Nəzarət Palatasının ləğv edilməsi maliyyə sahəsində aparılan islahatların mühüm tərkib hissəsidir. Palatanın yaradılmasında məqsəd bank sistemində sağlamlaşdırma prosesinin həyata keçirilməsi, kredit faizlərinin müəyyən dərəcədə aşağı salınması idi. Lakin Palatanın fəaliyyəti dövründə bank sistemində ciddi dəyişikliklər baş vermədi: "Təəssüflər olsun ki, iki il müddətində irəliləyişlər olmadı və bank sistemi işini köhnə qaydada davam etdirir. Ona görə də dövlət başçısı bu qurumu ləğv edib səlahiyyətlərini Mərkəzi Banka verdi".

Vahid Əhmədov bildirib ki, problemli kreditlərin həlli ilə bağlı dövlət bank sektoruna ciddi maliyyə yardımı göstərdi, 600 milyon manatdan çox vəsait ayrıldı. Bütün bunlara baxmayaraq bank sistemində ciddi dəyişiklik baş vermədi. Ölkə başçısı dəfələrlə kredit faizlərinin yüksək olmasından, bankların sahibkarlığın maliyyələşdirilməsinə yox, daha çox istehlak kreditlərinə üstünlük verməsindən narazılığını bildirib.

Millət vəkili Rüfət Quliyev Maliyyə Bazarlarına Nəzarət Palatasının yaradılmasını o vaxt üçün zəruri hesab etdiyini bildirib: "Bu gün artıq o quruma ehtiyac yoxdur. Ölkədə ciddi kadr və struktur islahatları aparılır və bu maliyyə sferasında da getməlidir. Palatanın funksiyalarını Mərkəzi Bank həyata keçirəcək". Qeyd edək ki, Maliyyə Bazarlarına Nəzarət Palatasının qarşısında duran vəzifələrdən biri də valyutadəyişmə məntəqələrinin fəaliyyətinin bərpası idi. Lakin Palata bir neçə il ərzində bunu da reallaşdıra bilmədi.

Səbuhi TURAN

VergiMüəssisələr vergi hesabatları ilə yanaşı, mühasibat uçotunun da hesabatlarını təqdim etməlidirlər İqtisadiyyatAzərbaycan və Dağıstan arasında iqtisadi əlaqələrin daha da genişləndirilməsi müzakirə edilib VergiVÖEN almaq üçün hansı şərtlər qoyulub? VergiƏDV-dən azad olunan kənd təsərrüfatı təyinatlı avadanlıqların və texnikaların siyahısı təsdiq edilib MəqalələrVergi orqanlarının fəaliyyətinə etimadı yüksəldən mexanizmlər tətbiq edilir VergiFiziki şəxslərin aylıq gəlirindən gəlir vergisi necə tutulur? İqtisadiyyatSahibkarlıq subyektinə güzəştli kredit verilib İqtisadiyyatİqtisadiyyat Nazirliyində növbəti könüllü fəaliyyəti təşkil ediləcək VergiHansı halda mal və xidmətlərin dəyərinə ƏDV tətbiq olunmur? İqtisadiyyatKOB-ların inkişafı, yaşıl iqtisadiyyatın genişləndirilməsi üzrə yeni çağırışlar müzakirə edilib