29 Sentyabr 2020

VERGİLƏR

SOSİAL-İQTİSADİ ONLAYN QƏZET

Bərpaolunan enerji mənbələrinin ümumi ilkin enerji istehlakında payı artır

Azərbaycanda hidroenerji resursları daxil olmaqla, bərpa olunan enerji mənbələrinin ümumi ilkin enerji istehlakında payı 18 faizə çatdırılıb. Bunu "İqlim dəyişikliyi və ətraf mühitdə Paris razılaşmasının rolu" adlı beynəlxalq konfransda çıxış edən Azərbaycanın Ekologiya və Təbii Sərvətlər naziri Muxtar Babayev deyib. Onun sözlərinə görə, 2030-cu il üçün bu göstəricinin 30 faizə çatdırılması planlaşdırılır.

Nazir həmçinin qeyd edib ki, gələcək illərdə bərpa olunan və alternativ enerji sahəsinin inkişafına dair mühüm addımlar atılacaq və bir sıra layihələr həyata keçiriləcək. Bu istiqamətin inkişafı da ətraf mühitə təsirin azaldılmasına öz töhfəsini verəcək.