22 May 2024

VERGİLƏR

SOSİAL-İQTİSADİ ONLAYN QƏZET

Cənubi Qafqaz Boru Kəmərinin orta ötürücülük gücü 33 faizdən çox artıb

Bu ilin yanvar-sentyabr ayları ərzində Cənubi Qafqaz Boru Kəməri (CQBK) və genişləndirilmiş boru kəməri (CQBKG) ilə bağlı fəaliyyətlərə, təqribən, 33 mln. ABŞ dolları əməliyyat xərcləri sərf edilib. "BP-Azerbaijan" şirkətinin rüblük hesabatına istinadən xəbər verir ki, bu, 2018-ci ilin üç rübü ilə müqayisədə 6 mln. dollar və ya 22,2 faiz çoxdur. Ötən üç rüb ərzində boru kəmərinin əsaslı xərcləri 28 mln. dollar təşkil edib ki, bu da 2018-ci ilin 9 ayının göstəriciləri ilə müqayisədə 280 mln. və ya 11 dəfə azdır. Bu ilin yanvar-sentyabr aylarında CQBK və CQBKG-nin birlikdə gündəlik orta ötürücülük gücü 28 mln. kubmetrdən çox olub ki, bu da 2018-ci ilin ilk üç rübü ilə müqayisədə 7 mln. kubmetr və ya 33,3 faiz çoxdur.

Bu ilin üç rübü ərzində CQBK-nın gündəlik orta ötürücülük gücü 28 mln. kubmetrdən çox olub ki, bu da 2018-ci ilin üç rübün göstəriciləri ilə müqayisədə 6 mln. kubmetr və ya 27,3 faiz çoxdur. Qeyd edək ki, CQBK 2006-cı ilin sonlarında istismara verilib və Azərbaycan, Gürcüstan və Türkiyəyə "Şahdəniz" qazını çatdırır, CQBKG isə kommersiya qaz həcmlərinin Türkiyəyə təhvil verilməsinə 2018-ci ilin iyun ayında başlayıb. CQBK və CQBKG-nin iki operatoru var – BP şirkəti CQBK obyektlərinin tikintisi və istismarı üzrə məsul texniki operator, SOCAR isə boru kəmərinin kommersiya əməliyyatları üzrə məsul operatordur.

Qeyd edək ki, CQBK şirkətinin sərmayədarları qismində BP (28,8%), "AzSCP" (10%), "SGC Midstream" (6,7%), "Petronas" (15,5%), "LUKoil" (10%), NİCO (10%) və TPAO (19%) şirkətləri çıxış edir.

VergiFiziki şəxsin icarədən gəlirləri hansı formada vergiyə cəlb olunur? VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı VergiQeyri-sahibkarlıq fəaliyyətindən əldə edilmiş gəlirlər hansılardır? VergiHansı halda xaricdə əldə olunan gəlirlərə görə vergi öhdəliyi yaranmır?