25 İyun 2022

VERGİLƏR

SOSİAL-İQTİSADİ ONLAYN QƏZET

Azərbaycan iqtisadiyyatının daha sürətli inkişafı üçün iqtisadi ehtiyatlar böyükdür

Prezident İlham Əliyev oktyabrın 15-də keçirdiyi iqtisadi müşavirədəki çıxışı ictimaiyyət arasında maraq doğurub. Müşavirədə səsləndirilən fikirlərə münasibət bildirən Milli Məclisin deputatı Tahir Mirkişili diqqəti üç istiqamətə yönəldib. Birinci istiqamət ölkədə yaradılan iqtisadi və sosial şəraitdir ki, beynəlxalq reytinqlərdə kifayət qədər yüksək qiymətləndirilir. Azərbaycan qlobal rəqabətlilik hesabatında mühüm irəliləyiş əldə edib və dünyada ən çox - 11 pillə irəliləyən ölkə olub. Bundan əvvəl Azərbaycanın "Doing Bussines" hesabatında da dünyanın ən çox islahat aparan 20-ci ölkəsi olması o deməkdir ki, Azərbaycanda iqtisadiyyatın sürətli inkişafı üçün kifayət qədər əlverişli zəmin yaradılıb.

T.Mirkişilinin sözlərinə görə, ikinci istiqamət yaradılan bütün bu zəmin üzərində ölkədə formalaşan iqtisadi mühitdir.

Üçüncü istiqamət iqtisadiyyatın potensialıdır. Azərbaycanın ehtiyatları kifayət qədərdir, iqtisadiyatı daha çox böyüyə bilər: "Əslində, aparılan iqtisadi islahat və yaranmış biznes mühiti iqtisadiyyatımızın bütün sektorlarının daha sürətli və daha çox artmasına imkan yaradır. Sadəcə, buna nail olmaq üçün əngəlləri aradan qaldırmaq lazımdır. Bununla bağlı bir daha ölkə başçısı sərt xəbərdarlığını etdi".

T.Mirkişili hesab edir ki, Azərbaycan iqtisadiyyatının daha sürətli inkişafı üçün iqtisadi ehtiyatlar mövcuddur. Bu ehtiyatlardan daha səmərəli istifadə etməklə bu ehtiyatları bir-birilə daha aktiv, dinamik şəkildə, uzlaşdırmaqla həm ümumi daxili məhsulda, həm qeyri-neft sektorunun inkişafında yaxşı nəticələr əldə etmək mümkündür.

Oxşar xəbərlər

VergiAmortizasiya ayırmalarının gəlirdən çıxılması İqtisadiyyatBeş ayda Azərbaycanda ümumi daxili məhsul 7,2 faiz artıb İqtisadiyyatYanvar-may aylarında xarici ticarət dövriyyəsi 20 milyard dollardan çox olub Vergiİxrac qeydi ilə satış həyata keçirən şəxslərə hansı tələblər qoyulub? İqtisadiyyatYanvar-may aylarında qeyri-neft məhsullarının ixracı 30,9 faiz artıb Vergi“Biznesə daxilolma” İşçi qrupunun iclası keçirilib İqtisadiyyatAzərbaycanda “İT-Akademiya” fəaliyyətə başlayır İqtisadiyyatDaşkənddə Özbəkistan-Azərbaycan biznes forumu keçirilib İqtisadiyyatMobil telefon cihazları bazarında araşdırmalar davam etdirilir VergiYay Təcrübə Proqramının qrup tapşırıqları mərhələsi keçirilib