9 Dekabr 2023

VERGİLƏR

SOSİAL-İQTİSADİ ONLAYN QƏZET

Müasir texnikalardan istifadə aqrar sahədə gəlirlərin və peşəkar işçilərin sayının artmasına səbəb olur

Kənd Təsərrüfatı Nazirliyi fermerlərin kənd təsərrüfatı məhsulları istehsalında müasir texnika və texnologiyalardan istifadəsini artırmaq məqsədilə ixtisaslaşmış texnikalarla tanışlıq tədbirlərinə start verib. Aqrar Kredit və İnkişaf Agentliyinin İsmayıllı rayonunda keçirdiyi "Kartof festivalı" bu strateji əhəmiyyətli məhsulun yığımında əl əməyini azaldan və fermer işini yüngülləşdirən texnikaların nümayişinə həsr olunub. Tədbirdə İsmayıllı Rayon İcra Hakimiyyətinin başçısı Mirdaməd Sadıqov və Aqrar Kredit və İnkişaf Agentliyinin sədri Mirzə Əliyev də iştirak ediblər. "Prior Leasing", "Claas" və "Grimme" şirkətlərinin sponsorluğu ilə keçirilən tədbirdə fermerlərə dəvət olunmuş xarici mütəxəssislər kartof istehsalında ən müasir modelləri təqdim edən brendlərin texnikalarının xüsusiyyətləri barədə məlumat veriblər.

İsmayıllı fermerləri ilə yanaşı, sponsorların dəstəyi ilə tədbirə gəlmiş Tovuz, Qazax, Gədəbəy, Masallı, Cəlilabad fermerləri də "Grimme KS" kəsim aparatı, "Grimme GF 400" cərgə açan frez, "Grimme GL 430" kartofəkən, "Grimme SE 260" kartofyığan texnikalarının, eləcə də kartof sortlaşdırma avadanlıqlarının fəaliyyətini əyani şəkildə izləmək imkanı qazanıb və "CLAAS AXION 820" modeli ilə tanış olublar.

"Məqsədimiz kənd təsərrüfatında fermerlərin ağır əl əməyinin müasir innovativ texnika və avadanlıqlarla əvəz edilməsidir. Kənd təsərrüfatı texnikalarının fermerlərə güzəştli şərtlərlə - 40 faiz subsidiya ilə təqdim edilməsinin, eləcə də texnika bazarının liberallaşdırılmasının, yəni fermerə istədiyi təchizatçıdan texnika seçmək azadlığı verilməsinin əsas səbəblərindən biri də məhz budur. Müasir texnikalardan istifadə aqrar sahədə məhsuldarlığın artmasına, daha peşəkar və bacarıqlı işçilərin çoxalmasına və buna mütənasib olaraq, gəlirlərin də yüksəlməsinə səbəb olar", – deyə Aqrar Kredit və İnkişaf Agentliyinin sədri Mirzə Əliyev bildirib.

Qeyd edək ki, ixtisaslaşmış kənd təsərrüfatı texnikaları ilə tanışlıq tədbirləri digər rayonlarda da davam etdiriləcək.

VergiMüəssisə tərəfindən çəkilən təmir xərcləri hansı formada gəlirdən çıxılır? VergiRüb üzrə gəlir olmadığı halda hesabat verilməlidirmi? VergiFiziki şəxsə məxsus əsas vəsaitlərin balansda uçota alınması VergiAlış aktı olmadan nəqliyyat vasitəsini balansa almaq qanunauyğundurmu? VergiUçotda olmayan malların satışı hansı risklər yaradır? VergiVergi borclarının silinməsindən əldə olunan gəlirlərin vergiyə cəlb edilməsi VergiƏDV ödəyicisi başqa təsərrüfat subyekti üzrə sadələşdirilmiş verginin ödəyicisi ola bilərmi? VergiƏməkhaqqı və kompensasiyalardan vergilər necə hesablanır? Ekspert RəyiHansı hesablaşmalar mütləq olaraq nağdsız qaydada həyata keçirilməlidir? VergiFermerlər vergi hesabatlarını necə verməlidirlər?