Əmlak Məsələləri Dövlət Xidmətinin nümayəndə heyəti Koreya Respublikasında olub
İqtisadiyyat Nazirliyi yanında Əmlak Məsələləri Dövlət Xidmətinin nümayəndə heyəti 2026-cı ilin 4-6 noyabr tarixlərində Koreya Respublikasında keçirilən “2026 K-Geo Festa” tədbirində iştirak ediblər. Xidmətin bu kimi beynəlxalq platformalarda təmsil olunması ölkəmizin geoməkan infrastrukturu üzrə qlobal təşəbbüslərə inteqrasiyasını gücləndirir və davamlı inkişaf məqsədlərinə töhfə verir.
Nümayəndə heyəti Koreyada daşınmaz əmlakın kadastrı sahəsində aparılan rəqəmsallaşdırma işləri, xəritəçəkmə, geodeziya, milli məkan məlumatları, daşınmaz əmlakın qimətləndirilməsi və bu sahələrdə istifadə olunan süni intellekt həlləri ilə tanış olublar.
Dövlət Xidmətinin əməkdaşları ölkəmizdə daşınmaz əmlakın dövlət qeydiyyatı və kadastrı sahəsində tətbiq olunan proqram təminatları, informasiya sistemləri barədə məlumat veriblər.
Səfər çərçivəsində aparılan müzakirələr və təcrübə mübadiləsi iki ölkə arasında geoməkan məlumatlarının idarə olunması və kadastr sahəsində gələcək əməkdaşlıq imkanlarının genişləndirilməsinə zəmin yaradır.
