Bakıda Avropa İttifaqı-Azərbaycan biznes-forumu işə başlayıb

Bakıda Avropa İttifaqı-Azərbaycan biznes-forumu keçirilir. Builki forum “Dəhlizlərin birləşdirilməsi: Əlaqəlilik və infrastruktur” mövzusuna həsr olunub.

Tədbir Avropa İttifaqı (Aİ) ilə Azərbaycan arasında tərəfdaşlığın 30 illiyinə, eləcə də Avropa İttifaqı-Azərbaycan biznes-forumunun 10 illiyinə təsadüf edir.

Forumda Aİ-Azərbaycan iqtisadi əməkdaşlığının gücləndirilməsi, regional ticarət və investisiyaların təşviqi, nəqliyyat və infrastruktur sahələrində əlaqəliliyin genişləndirilməsi məsələləri müzakirə olunur.

Tədbir çərçivəsində dövlət və özəl sektor nümayəndələrinin iştirakı ilə yüksəksəviyyəli müzakirələr, tematik sessiyalar və işgüzar əlaqələrin qurulmasına yönələn görüşlər keçiriləcək.

AZƏRTAC