Azərbaycanın qış turizmi potensialı Londonda təqdim olunub

Azərbaycanın qış turizmi imkanları oktyabrın 17–18-də Londonda keçirilən "London Snow Show 2026" beynəlxalq sərgisində təqdim olunub.

Dövlət Turizm Agentliyindən verilən məlumata görə, sərgi çərçivəsində Azərbaycan Turizm Bürosunun İdarə Heyətinin sədri Florian Zenqstşmid "Xizək turizminin gələcəyi" mövzusunda panel müzakirəsində iştirak edərək ölkənin dağ-xizək potesialı barədə məlumat verib.

Sərgidə “Şahdağ” və “Tufandağ” turizm mərkəzləri də öz imkanlarını nümayiş etdiriblər.

Bu il 50-ci dəfə təşkil olunan "London Snow Show" qış idman növləri və turizm istiqamətlərini bir araya gətirən beynəlxalq tədbirdir.