9 ayda 32,9 milyon manatlıq əczaçılıq məhsulları istehsal olunub
Bu ilin yanvar-sentyabr ayları ərzində Azərbaycanda 32,9 milyon manatlıq əczaçılıq məhsulları istehsal olunub.
Dövlət Statistika Komitəsinin məlumatına görə, ötən ilin eyni dövrü ilə müqayisədə istehsalın dəyəri 60,4 faiz artıb.
Bu dövrdə 21 720,1 min manatlıq dərman istehsal olunub ki, bu da illik ifadədə 92,8 faiz çoxdur. Bu ilin oktyabr ayının 1-nə sənaye müəssisələrinin anbarlarında 776,2 min manatlıq hazır məhsul ehtiyatı olub.
