Azərbaycan və Qazaxıstan arasında Orta Dəhlizin inkişafına dair yeni Əməkdaşlıq Sazişi imzalanıb
Qazaxıstan və Azərbaycan logistika əlaqələrinin möhkəmləndirilməsinə, daşımaların səmərəliliyinin artırılmasına və marşrutun tranzit potensialının açılmasına yönələn Transxəzər Beynəlxalq Nəqliyyat Marşrutunun (TBNM/Orta Dəhliz) inkişafına dair Əməkdaşlıq Sazişi imzalayıblar.
Qazaxıstanın Nəqliyyat Nazirliyinin məlumatına görə, sənəddə TBNM-in zəruri buraxılış qabiliyyətinin təmin edilməsi, tariflərin sabitliyi, limanlarda xətt gəmilərinə prioritet xidmət göstərilməsi, vahid daşıma sənədinin tətbiqi və “bir pəncərə” prinsipi üzrə xidmət göstərilməsi nəzərdə tutulur. Bu tədbirlərin reallaşdırılması yüklərin çatdırılmasının təhlükəsizliyini, etibarlılığını və sürətini artıraraq digər ölkələrin qoşulması üçün imkan yaradacaq.
Qeyd edilir ki, 2026-cı ilin ilk doqquz ayı ərzində TBNM üzrə yük daşımalarının həcmi ötən ilin müvafiq dövrü ilə müqayisədə 30 faiz, Çindən Qərbə tranzit konteyner daşımaları isə 64 faiz artıb.
