BFB və “TheCityUK” arasında qlobal maliyyə bazarlarına çıxış müzakirə olunub
Bakı Fond Birjasının (BFB) nümayəndələri “TheCityUK” nümayəndə heyəti ilə Azərbaycanın beynəlxalq kapital bazarlarına inteqrasiyasının möhkəmləndirilməsi və Azərbaycan şirkətlərinin qlobal maliyyələşdirmə mənbələrinə çıxışının genişləndirilməsi imkanlarını müzakirə ediblər.
BFB-nin məlumatına görə, diqqət Azərbaycanın beynəlxalq bazarlara çıxışı üçün normativ-hüquqi və texniki bazaya, o cümlədən ikili listinq imkanlarına, həmçinin yerli kapital bazarının daha da inkişaf etdirilməsi ilə bağlı çağırışlara, praktiki aspektlərə və perspektivlərə yönəldilib.
BFB Azərbaycanda daha inteqrasiya olunmuş və rəqabətədavamlı kapital bazarını dəstəkləmək üçün beynəlxalq əlaqələri möhkəmləndirməyə və qlobal maliyyə bazarı institutları ilə tərəfdaşlığı davam etdirir.
