Ərzaq məhsullarının dövlət sifarişi ilə satın alınması portalının (tedaruk.az) 2026-cı ilin 9 ayı üzrə statistik göstəriciləri açıqlanıb.

Kənd Təsərrüfatı Nazirliyinin məlumatına görə, hesabat dövründə portal vasitəsilə satın alınan ərzaq məhsullarının ümumi dəyəri 103,2 milyonu ötüb. Bu müddət ərzində dövriyyədə olan sifarişlərin sayı 13 320-yə çatıb. Satınalma prosesində 113 dövlət satınalan təşkilatı iştirak edib, ərzaq məhsullarının satışını isə 83 satıcı həyata keçirib. Sifarişlər respublikanın 73 regionundan daxil olub və portal üzərindən ümumilikdə 230 növdə ərzaq məhsulu satın alınıb.