"Qətərin paytaxtı Dohada keçirilən Asiya İnfrastruktur İnvestisiya Bankının 11-ci İllik Toplantısı çərçivəsində “Sərhədlərdən kənara: regionları birləşdirmək, dayanıqlılığı gücləndirmək” mövzusunda seminarda əsas məruzəçi qismində iştirak etdik. Yaşıl və dayanıqlı infrastrukturun inkişafı, nəqliyyat və enerji dəhlizlərinin genişləndirilməsi, yeni texnologiyaların tətbiqi və özəl investisiyaların cəlb olunması barədə müzakirələr aparıldı. Azərbaycanın yaşıl iqtisadiyyata keçidi, işğaldan azad edilmiş ərazilərdə həyata keçirilən layihələr, o cümlədən nəqliyyat-logistika layihələri üzrə əməkdaşlıq imkanlarını diqqətə çatdırdıq".

Bu barədə iqtisadiyyat naziri Mikayıl Cabbarov sosial şəbəkə hesablarında paylaşım edib.