Bu ilin yanvar-avqust aylarında Azərbaycandan Tunisə 266,2 milyon ABŞ dolları dəyərində 429,3 min tondan çox xam neft və neft məhsulları ixrac olunub.

Dövlət Gömrük Komitəsinin hesabatına əsasən, bu, 2025-ci ilin müvafiq dövrünün göstəricilərini dəyər ifadəsində 2,6 dəfə, həcm baxımından isə 2,3 dəfə üstələyir.

Ümumilikdə cari ilin ilk səkkiz ayında ölkədən 9,281 milyard dollar dəyərində 14,677 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Tunis 5-ci yerdə qərarlaşıb və ixrac həcminin 2,92 faizi bu ölkənin payına düşüb.