Yanvar-avqust aylarında Naxçıvanda dövlət dəstəyi və özəl investisiyalar hesabına 188 layihə başa çatdırılıb
2026-cı ilin yanvar-avqust ayları ərzində Naxçıvan Muxtar Respublikasında yeni istehsal və xidmət sahələrinin yaradılması, eləcə də mövcud layihələrin genişləndirilməsi istiqamətində 188 layihə icra olunub.
Muxtar Respublikanın İqtisadiyyat Nazirliyinin məlumatına görə, bu layihələrdən 36-sı yeni yaradılma, 152-si isə mövcud layihələrin genişləndirilməsi üzrə həyata keçirilib. Eyni zamanda, 38-i yaradılma və 51-i genişləndirmə olmaqla, ümumilikdə 89 layihənin icrası davam etdirilib.
Layihələrin maliyyələşdirilməsi dövlət dəstəyi və özəl investisiyalar hesabına təmin edilib. İcra olunmuş 188 layihədən 167-si Naxçıvan Muxtar Respublikası Sahibkarlığın İnkişafı Fondunun dəstəyi ilə həyata keçirilib.
