“Azərbaycan artıq makroiqtisadi və maliyyə sabitliyinə nail olub, suveren ehtiyatların mövcudluğu, eləcə də gələcək iqtisadi inkişaf istiqamətlərinin proqnozlaşdırıla bilməsi təmin olunub və aydın çərçivəyə malikdir. Bu isə bizə iqtisadiyyatın keyfiyyət üstünlüklərindən daha səmərəli şəkildə faydalanmaq üçün əlverişli imkan yaradır”.

Bunu Baku ID 2026 tədbiri çərçivəsində keçirilən “Dördüncü Sənaye İnqilabı dövründə bacarıqlar üzrə prioritetlərin müəyyənləşdirilməsində dövlət-özəl sektor arasında əməkdaşlığın gücləndirilməsi” mövzusunda panel sessiyasında çıxış edən iqtisadiyyat naziri Mikayıl Cabbarov deyib.