2026-cı ilin yanvar-iyul ayları ərzində istehlakçı hüquqlarının müdafiəsi və istehlak bazarına nəzarət istiqamətində 6060 istehlakçı müraciəti daxil olub.

Antiinhisar və İstehlak Bazarına Nəzarət Dövlət Agentliyinin məlumatına görə, müraciətlərin 2923-ü qeyri-qida, 2495-i xidmət, 226-sı qida, 79-u dərman vasitələri və tibbi avadanlıqlar, 12-si tütün məmulatları, 2-si qiymətli metallar və daşlar, 323-ü digər sahələrlə bağlı olub.

İstehlakçı hüquqlarının müdafiəsinin gücləndirilməsi və istehlak bazarında qanunvericiliyin tələblərinə əməl olunmasına nəzarətin təmin edilməsi Dövlət Agentliyinin fəaliyyətinin əsas istiqamətlərindəndir. Bu sahədə həyata keçirilən ardıcıl tədbirlər həm istehlakçıların hüquq və mənafelərinin qorunmasına, həm də bazar iştirakçıları arasında sağlam rəqabət mühitinin inkişafına mühüm töhfə verir.