Bu ilin yanvar-avqust aylarında Azərbaycandan 637,1 milyon dollar dəyərində 540,9 min tondan çox meyvə və tərəvəz ixrac edilib.

Dövlət Gömrük Komitəsinin hesabatına əsasən, ötən ilin müvafiq dövrü ilə müqayisədə ixracın dəyəri 13,6 faiz, həcmi isə 0,3 faiz artıb.

Cari ilin 8 ayında tərəvəz və meyvələrin ümumi ixracda xüsusi çəkisi 2,92 faizə, qeyri-neft məhsullarının ixracında çəkisi isə 10,15 faizə bərabər olub.