İqtisadiyyat naziri Mikayıl Cabbarov sosial media hesablarında İsveçrəyə işgüzar səfərinə dair daha bir paylaşım edib.

“Azərbaycan – İsveçrə iqtisadi tərəfdaşlığının inkişafı üçün prioritet istiqamətləri, həmçinin ticarət və investisiya əlaqələrinin mövcud vəziyyətini həmkarlarla birlikdə Birgə Komissiyanın 10-cu iclasında nəzərdən keçirdik. İclasda İsveçrə Konfederasiyası ilə tərəfdaşlığın ikitərəfli formatda və beynəlxalq maliyyə qurumları çərçivəsində genişləndirilməsi məsələlərinə dair müzakirələr apardıq”, - deyə məlumat verən nazir Mikayıl Cabbarovun sözlərinə görə, sənaye, enerji, rəqəmsal iqtisadiyyat, innovasiya, kənd təsərrüfatı və turizm sahələrində əməkdaşlığın yeni perspektivləri diqqətə çatdırılıb:

“Azərbaycanın əlverişli investisiya mühiti, strateji nəqliyyat bağlantıları, yaşıl enerji potensialı və rəqəmsal transformasiya istiqamətində həyata keçirilən tədbirlərin İsveçrə biznesi üçün yaratdığı imkanları vurğuladıq”.