Bu ilin yanvar-iyul ayları ərzində keçirilən 4596 elektron satınalmanın məbləği 2341,2 milyon manat təşkil edib.

Antiinhisar və İstehlak Bazarına Nəzarət Dövlət Agentliyinin məlumatına görə, keçirilən elektron satınalmalar ötən ilin analoji dövrü ilə müqayisədə say üzrə 0,3 faiz, məbləğ üzrə isə 12,5 faiz artıb.

Açılışı baş tutan müsabiqələr üzrə orta iştirakçı sayı açıq tender metodu üzrə 3,7, kotirovka sorğusu metodu üzrə 3,4 olmaqla, ümumilikdə 3,5 təşkil edib.