2026-cı il oktyabrın 10–11-də Böyük Britaniyanın paytaxtında keçiriləcək "London Halal Forum 2026" çərçivəsində Azərbaycanın milli pavilyonu təşkil olunacaq.

Azərbaycan Sahibkarlar Konfederasiyasının məlumatına görə, milli pavilyonda iştirak azərbaycanlı sahibkarlar üçün öz məhsul və xidmətlərini xarici auditoriyaya təqdim etmək, qlobal halal bazarına çıxmaq, potensial tərəfdaşlarla B2B formatında görüşlər keçirmək, habelə sahənin əsas trendlərini və investisiya perspektivlərini öyrənmək üçün geniş imkanlar yaradacaq.

"London Halal Forum" dünyanın müxtəlif ölkələrindən olan istehsalçıları, distribütorları, investorları, pərakəndə satış şəbəkələrinin nümayəndələrini və aparıcı ekspertləri bir araya gətirən nüfuzlu beynəlxalq platformadır.