2026-cı ilin yanvar–iyul aylarında Naxçıvan Muxtar Respublikasında 12 sahibkarlıq subyektinə ümumilikdə 115 təsdiqedici sənəd təqdim edilib.

Muxtar Respublikanın İqtisadiyyat Nazirliyinin məlumatına görə, həmin sənədlərdən 6-sı texnika, texnoloji avadanlıqlar və qurğuların idxalı, 109-u isə xammal və materialların idxalı üçün verilib.

Bu sənədlər əsasında Rusiya, Çin və Türkiyədən ümumi dəyəri 2,2 milyon manat olan texnika, texnoloji avadanlıqlar və qurğular, həmçinin Türkiyə, Rusiya, İran, İraq, Gürcüstan, Avstriya, Almaniya, Cənubi Koreya kimi ölkələrdən ümumi dəyəri 8,4 milyon manat olan xammal və materiallar gömrük rüsumu və əlavə dəyər vergisi ödənilmədən idxal edilib.

Nəticədə cari ilin ilk 7 ayında idxal olunan xammal, material və texnoloji avadanlıqlara görə sahibkarlar əlavə dəyər vergisi və gömrük rüsumları üzrə ümumilikdə 3,2 milyon manat məbləğində güzəşt əldə ediblər.