Xarici ticarətdə 9,4 milyard dollardan çox müsbət saldo yaranıb
Bu ilin yanvar-iyul aylarında ölkənin xarici ticarət dövriyyəsinin həcmi 29 216,3 milyon ABŞ dolları təşkil edib.
Dövlət Gömrük Komitəsinin hesabatına əsasən, bu, 2025-ci ilin müvafiq dövrünə nisbətən 1,3 faiz çoxdur.
Cari ilin ilk 7 ayında ixrac əməliyyatlarının dəyəri 19 335,59 milyon dollar (+27 faiz), idxal əməliyyatlarının dəyəri isə 9 880,71 milyon dollar (-27,4 faiz) təşkil edib. Nəticədə ölkənin xarici ticarətində 9 454,88 milyon dollar məbləğində müsbət saldo yaranıb ki, bu da 2025-ci ilin eyni göstəricisini 5,86 dəfə üstələyir.
