Bu ilin yanvar-iyun aylarında Azərbaycan Mərkəzi Bankının (AMB) valyuta ehtiyatları 2,2 milyard ABŞ dolları məbləğində və ya 19,5 faiz artaraq 13,8 milyard ABŞ dolları təşkil edib.

AMB-nin məlumatına görə, valyuta bazarında tələbin kəskin azaldığı, təklifin isə əhəmiyyətli artdığı şəraitdə Mərkəzi Bank tərəfindən alışyönlü müdaxilə həyata keçirilib.

Cari ilin ötən dövründə valyuta bazarında təklif tələbi əhəmiyyətli dərəcədə üstələyib. Bu həm nağd, həm də qeyri-nağd seqmentlərdə özünü göstərib. Belə ki, mübadilə şöbələri tərəfindən nağd xarici valyutanın müştərilərdən alışı satışını 482 milyon ABŞ dolları üstələyib. Rezident fiziki şəxslərin əmanətlərinin dollarlaşma səviyyəsi son 12 ayda 3,8 faiz bəndi azalaraq 2026-cı ilin iyununda 25,6 faizə enib.