ARDNF ilin birinci yarısı üzrə maliyyə göstəricilərini açıqlayıb
Azərbaycan Respublikası Dövlət Neft Fondunun (ARDNF) 2026-cı ilin yanvar-iyun ayları üzrə aktivləri 72 milyard 596 milyon ABŞ dolları (123,4 milyard manat) səviyyəsində qərarlaşıb. İlin ilk yarısında Fondun ümumi gəlirləri 8 milyard 531,3 milyon manat, büdcə xərcləri isə 6 milyard 449,7 milyon manat təşkil edib.
Gəlirlərin əsas hissəsini 4 milyard 953,4 milyon manatla neft-qaz sazişləri üzrə daxilolmalar formalaşdırıb. Bunun 4 milyard 374,9 milyon manatı AÇG yatağının, 437,1 milyon manatı isə “Şahdəniz” yatağının payına düşüb. Vəsaitlərin idarə edilməsindən əldə olunan gəlirlər isə 3 milyard 577,9 milyon manat olub.
Qızıl qiymətlərinin və valyuta məzənnələrinin dəyişməsi nəticəsində 3 milyard 688,1 milyon manatlıq büdcədənkənar xərc yaranıb.
Xərclər strukturunda ən böyük payı 6 milyard 420 milyon manatlıq transfertlə dövlət büdcəsinə ayırmalar tutur. Bununla yanaşı, xaricdə təhsil proqramlarına ümumilikdə 14,4 milyon manat yönəldilib. Fondun idarə edilməsinə isə 15,4 milyon manat xərclənib.
