2026-cı ilin ilk 6 ayında Prezident yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutu (AZSTAND) qanunvericiliyə və Dövlət Proqramlarının hədəflərinə uyğun olaraq, beynəlxalq tələblərə cavab verən 293 yeni dövlət standartı qəbul edib.

Yeni normativ sənədlər ölkəmizdə istehlak edilən məhsulların, istehsal proseslərinin və metodlarının təhlükəsizliyi ilə keyfiyyətinin yüksəldilməsinə, rəqabətqabiliyyətliliyin artırılmasına və müasir texnologiyaların tətbiqinə geniş şərait yaradır.

Qəbul edilən standartlar müxtəlif sektorları əhatə edir. Bunların arasında maşınqayırma sahəsi üzrə 36, nəqliyyat üzrə 35, tekstil və dəri texnologiyası üzrə 33, uşaq malları üzrə 28, qida texnologiyası və kənd təsərrüfatı üzrə 26, tikinti materialları üzrə 21, eləcə də informasiya və telekommunikasiya üzrə 20 dövlət standartı xüsusi yer tutur.
Bununla yanaşı, mebel sahəsində 43, əməyin təhlükəsizliyi üzrə 9, energetika (istilik mübadiləsi sistemləri) və elektrotexnika üzrə 9, idarəetmə və keyfiyyət üzrə 7, turizm üzrə 6, neft-qaz, kimya və əlaqəli texnologiyalar üzrə 6, bina qurğuları üzrə 4, sənədləşdirmə və nəşriyyat üzrə 3, istehlak malları üzrə 3, hidravlik sistemlər və ümumi istifadə üçün komponentlər üzrə 2, zərgərlik sahəsi üzrə 1, metrologiya, ölçmə sistemləri və cihazlar üzrə isə 1 yeni standart təsdiqlənib.

Qeyd olunan dövr ərzində mövcud normativ bazanın yenilənməsi istiqamətində də işlər aparılıb. Belə ki, 21 dövlət standartının dövri yoxlanılması həyata keçirilib və ya müvafiq dəyişikliklər olunub, həmçinin 21 dövlət standartı ləğv edilib.