2026-cı ilin yanvar-iyun aylarında İqtisadiyyat Nazirliyi yanında Əmlak Məsələləri Dövlət Xidməti tərəfindən dövlət əmlakının özəlləşdirilməsi və icarəyə verilməsi istiqamətində görülən tədbirlər nəticəsində dövlət büdcəsinə ümumilikdə 131 milyon manat vəsaitin ödənilməsi təmin edilib.

Hesabat dövründə dövlət əmlakının özəlləşdirilməsi üzrə 32 hərrac keçirilib. Hərraclar vasitəsilə 3 səhmdar cəmiyyətinin səhm paketi, 2 kiçik dövlət müəssisəsi, 1 yarımçıq tikili və 520 nəqliyyat vasitəsi özəlləşdirilib. Özəlləşdirmədən dövlət büdcəsinə daxilolmalar 102,8 milyon manat təşkil edib.

Dövlət əmlakının səmərəli idarə olunması və icarəyə verilməsi sahəsində də tədbirlər davam etdirilib. Əmlak Məsələləri Dövlət Xidməti tərəfindən bu ilin yanvar-iyun ayları ərzində 282-si qeyri-yaşayış, 2.084-ü torpaq sahələri üzrə olmaqla 2.366 yeni icarə müqaviləsi bağlanılıb. Hesabat dövrü ərzində daşınmaz dövlət əmlakının (qeyri-yaşayış və torpaq sahələrinin) icarəsindən dövlət büdcəsinə 28,2 milyon manat vəsaitin ödənilməsi təmin olunub.

Əmlak Məsələləri Dövlət Xidməti dövlət əmlakının səmərəli idarə olunması, özəlləşdirmə prosesinin təşkili və icarə münasibətlərinin tənzimlənməsi istiqamətində fəaliyyətini davam etdirir.