Şərqi Avropa ölkələrindən Azərbaycana səfər edənlərin sayı açıqlanıb
Bu ilin yanvar-aprel aylarında Şərqi Avropa ölkələrindən Azərbaycana 30,1 mindən çox vətəndaş səfər edib ki, bu da 2025-ci ilin müvafiq dövrünün göstəricisini 1 faiz üstələyir.
Dövlət Turizm Agentliyinin hesabatına əsasən, təkcə cari ilin aprel ayında qeyd edilən regiondan gələnlərin sayı 9,4 min nəfərdən çox təşkil edib. Bu, mart ayına nisbətdə 20,2 faiz çoxdur.
2026-cı ilin aprel ayında Şərqi Avropa ölkələrindən Azərbaycana gələn turistlərin sayına görə TOP 5 ölkə:
- Ukrayna
- Belarus
- Polşa
- Macarıstan
- Rumıniya
