Bu ilin may ayının 31-nə ölkədə fəaliyyətdə olan bankların cəmi aktivləri 59 183,7 milyon manat, cəmi öhdəlikləri 51 612,2 milyon manat, balans kapitalı 7 571,5 milyon manat təşkil edib.

Azərbaycan Mərkəzi Bankının hesabatına əsasən, may ayında bankların cəmi aktivləri və öhdəlikləri müvafiq olaraq 3,2 faiz və 3,9 faiz artıb, balans kapitalı isə 1,2 faiz azalıb.

Ümumilikdə cari ilin yanvar-may ayları ərzində banklar 557,1 milyon manat xalis mənfəət, 837,5 milyon manat məbləğində əməliyyat mənfəəti əldə ediblər. Bu dövrdə banklar tərəfindən 134,7 milyon manat məbləğində mənfəət vergisi ödənilib.