5 iyul 2026-cı il tarixinədək Dünya İqtisadi Forumunun (DİF) "Qlobal Mayak" (Global Lighthouse Network) beynəlxalq şəbəkəsinə daxil olmaq istəyən istehsal və sənaye müəssisələri üçün müraciətlərin qəbulu aparılır.

Dördüncü Sənaye İnqilabının Təhlili və Koordinasiya Mərkəzi (4SİM) məlumatına görə, DİF-in bu təşəbbüsü məhsuldarlıq, keyfiyyət və dayanıqlı inkişaf sahəsində ən yüksək göstəricilərə nail olmaq üçün Dördüncü Sənaye İnqilabı texnologiyalarını: süni intellekt, sənaye interneti, böyük verilənləri və robototexnikanı uğurla tətbiq edən qabaqcıl istehsalatların tanınmasına yönəlib.

“Qlobal Mayak” statusu 4 mərhələli seçim prosesi - müraciət, yerində audit, müstəqil qiymətləndirmə və yekun təsdiq əsasında verilir. Seçilən müəssisələr isə DİF tərəfindən qlobal sənaye liderləri kimi tanıdılır.

Hazırda bu platforma sənaye transformasiyası sahəsində ən nüfuzlu meydançalardan biri olmaqla, 35 sahədən və 30-dan çox ölkədən 220-dən artıq müəssisəni özündə birləşdirir.
İştirakçıların növbəti qeydiyyat mərhələsi cari ilin noyabr ayında başlayacaq.