Neftçala Sənaye Məhəlləsi üzrə 63 milyon manat dəyərində investisiya portfeli formalaşıb

Neftçala Sənaye Məhəlləsinin rezidentləri tərəfindən indiyədək 216,8 milyon manat dəyərində məhsul satışı həyata keçirilib, istehsal olunan məhsulların xarici bazarlara ixracı isə 2,2 milyon manat təşkil edib.

İqtisadi Zonaların İnkişafı Agentliyinin məlumatına görə, hazırda sənaye məhəlləsində 6 rezident fəaliyyət göstərir. Bu günədək Sənaye Məhəlləsi üzrə 63,05 milyon manat investisiya portfeli formalaşdırılıb, 129 daimi iş yeri yaradılıb.

Sənaye məhəlləsi regionlarda sənayeləşmənin inkişafına, qeyri-neft sektorunun genişlənməsinə və yeni iş yerlərinin yaradılmasına töhfə verir.

Burada yerli istehsalın təşviqi, məşğulluğun artırılması və regionların sənaye potensialının gücləndirilməsi istiqamətində işlər uğurla davam etdirilir.