Misirin planlaşdırma və iqtisadi inkişaf naziri ilə görüş keçirilib YENİLƏNİB

19 İyun 2026 12:09

İqtisadiyyat naziri Mikayıl Cabbarov İslam İnkişaf Bankı (İİB) Qrupunun İllik Toplantıları çərçivəsində Misir Ərəb Respublikasının planlaşdırma və iqtisadi inkişaf naziri Ahmed Rostom ilə görüşüb.

Görüşdə Azərbaycan ilə Misir arasında iqtisadi əməkdaşlığın mövcud vəziyyəti və inkişaf perspektivləri nəzərdən keçirilib. Tərəflər ölkələr arasında iqtisadi əməkdaşlıq potensialının daha səmərəli reallaşdırılması imkanlarını, qarşılıqlı fəaliyyəti təşviq edən biznes platformalarının formalaşdırılmasını və işgüzar dairələr arasında əlaqələrin genişləndirilməsini müzakirə ediblər.

Müzakirələr zamanı ticarət, investisiya, sənaye, enerji, turizm və digər istiqamətlərdə işbirliyinin inkişafı üçün mövcud imkanlar barədə fikir mübadiləsi aparılıb.

-----

09:42

2026.06.19

“İslam İnkişaf Bankı Qrupunun İllik Toplantıları çərçivəsində Misir Ərəb Respublikasının planlaşdırma və iqtisadi inkişaf naziri Dr. Ahmed Rostom ilə görüşdük. Ölkələrimizin iqtisadi əməkdaşlıq potensialının reallaşdırılması imkanlarını, qarşılıqlı fəaliyyəti dəstəkləyən biznes platformalarının formalaşdırılmasını, ticarət, investisiya, sənaye, enerji, turizm və digər sahələrdə işbirliyinin təşviqini qeyd etdik”.

Bu barədə iqtisadiyyat naziri Mikayıl Cabbarov sosial media hesablarında paylaşım edib.