İqtisadiyyat naziri Mikayıl Cabbarov Rumıniya Prezidentinin xarici siyasət və milli təhlükəsizlik məsələləri üzrə müşaviri Marius Lazurka ilə görüşüb.

Görüşdə Azərbaycan ilə Rumıniya arasında iqtisadi və ticarət əməkdaşlığının əsas istiqamətləri, qarşılıqlı investisiyaların təşviqi və tərəfdaşlığın inkişaf perspektivləri müzakirə olunub.

Tərəflər enerji, tranzit və rəqəmsal infrastruktur sahələrində əməkdaşlığın genişləndirilməsinin əhəmiyyətini vurğulayıblar. Qeyd olunub ki, bu istiqamətlərdə həyata keçirilən birgə layihələr ölkələr arasında strateji tərəfdaşlığın daha da möhkəmlənməsinə, regional əlaqələrin inkişafına və yeni iqtisadi imkanların formalaşmasına töhfə verir.

Müzakirələr zamanı qlobal çağırışlar şəraitində qarşılıqlı faydalı işbirliyinin gücləndirilməsi və ortaq həllərin təşviqi məsələləri ətrafında da fikir mübadiləsi aparılıb.

-----

15:46

“Rumıniya Prezidentinin xarici siyasət və milli təhlükəsizlik məsələləri üzrə müşaviri Marius Lazurka ilə görüşümüzdə Azərbaycan–Rumıniya iqtisadi və ticarət tərəfdaşlığının əsas istiqamətlərini, qarşılıqlı investisiyaların təşviq edilməsinin əhəmiyyətini və ikitərəfli əməkdaşlığın geniş perspektivlərini müzakirə etdik.

Xüsusilə enerji, tranzit və rəqəmsal infrastruktur layihələri çərçivəsində birgə fəaliyyətin ölkələrimiz arasında strateji tərəfdaşlığın daha da möhkəmlənməsinə xidmət etdiyini və qlobal çağırışlar fonunda ortaq həllərin formalaşdırılması üçün yeni imkanlar yaratdığını vurğuladıq”.

Bu barədə iqtisadiyyat naziri Mikayıl Cabbarov sosial şəbəkə hesablarında paylaşım edib.