İqtisadiyyat nazirinin müavini Anar Axundov "Bakı Enerji Həftəsi" çərçivəsində Almaniyanın “VNG AG” şirkətinin İdarə Heyətinin sədri Ulf Heitmüller ilə görüş keçirib.

Görüşdə Azərbaycanın etibarlı enerji tərəfdaşı kimi beynəlxalq arenada artan rolu vurğulanıb. Qeyd edilib ki, Azərbaycan enerji sahəsində Avropa tərəfdaşları ilə davamlı əməkdaşlığa önəm verir. Tərəflər “VNG AG” ilə mövcud enerji əməkdaşlığının inkişaf perspektivlərini müzakirə edib.

Həmçinin tərəfdaşlığın yeni istiqamətləri, enerji keçidi prosesi, aşağı karbonlu həllər sahəsindəki imkanlar və iki ölkə arasında təcrübə mübadiləsi məsələləri ətraflı nəzərdən keçirilib.