Tatarıstanla iqtisadi-ticarət əməkdaşlığı müzakirə olunub YENİLƏNİB

İqtisadiyyat naziri Mikayıl Cabbarov Bakı Enerji Həftəsi çərçivəsində Tatarıstan Baş nazirinin müavini, sənaye və ticarət naziri Oleq Korobçenko ilə görüşüb.

Görüşdə Azərbaycan-Tatarıstan iqtisadi-ticarət əməkdaşlığının möhkəmləndirilməsi və işgüzar dairələr arasında tərəfdaşlıq münasibətlərinin daha da gücləndirilməsinin əhəmiyyəti qeyd edilib.

Bundan başqa, Birgə Sənaye Parkı layihəsinin reallaşdırılması, enerji sahəsində qarşılıqlı fəaliyyətin təşviqi, eləcə də Birgə Hökumətlərarası Komissiyanın növbəti iclasının keçirilməsi ilə bağlı məsələlər müzakirə olunub.

Tərəflər ikitərəfli münasibətlərin genişləndirilməsinə dair fikir mübadiləsi aparıblar.

-----

16:23

"Bakı Enerji Həftəsi" çərçivəsində Tatarıstan Baş nazirinin müavini, sənaye və ticarət naziri Oleq Korobçenko ilə görüşmək xoş oldu. Azərbaycan - Tatarıstan iqtisadi-ticarət əməkdaşlığının möhkəmləndirilməsini və işgüzar dairələr arasında tərəfdaşlıq münasibətlərinin gücləndirilməsini qeyd etdik. Birgə Sənaye Parkı layihəsinin reallaşdırılması, enerji sahəsində qarşılıqlı fəaliyyətin təşviqi və Birgə Hökumətlərarası Komissiyanın iclasının keçirilməsi barədə müzakirələrimiz oldu”.

Bu barədə iqtisadiyyat naziri Mikayıl Cabbarov sosial şəbəkə hesablarında paylaşım edib.