Cari ilin aprel ayında manatla geniş mənada pul kütləsi (M2) ilin əvvəlinə nəzərən 0,2 faiz artaraq 40 480,4 milyon manat təşkil edib.

Azərbaycan Mərkəzi Bankının hesabatına görə, bank sektorunun xarici öhdəlikləri ilin əvvəlinə nəzərən 762,1 milyon manat azalaraq 2 499,6 milyon manat olub. Xarici öhdəliklərdəki qeyd olunan dəyişiklik əsasən qeyri-rezident hüquqi şəxslərin cari hesabları və qeyri-rezident banklardan cəlb olunan qısamüddətli depozit və kreditlərin həcmindəki azalma ilə əlaqədardır.