Cari ilin ilk dörd ayında pərakəndə elektron ticarət dövriyyəsi 100 milyon manata yaxınlaşıb
Bu ilin yanvar-aprel aylarında ölkə üzrə pərakəndə elektron ticarət dövriyyəsinin həcmi 97,8 milyon manat təşkil edib.
Dövlət Statistika Komitəsinin hesabatına əsasən, bu, ötən ilin müvafiq dövrünün göstəricisinə nisbətdə real ifadədə 17,8 faiz çoxdur.
Hesabat dövründə ölkə üzrə pərakəndə ticarət dövriyyəsi 20,1 milyard manat olub ki, onun da 0,49 faizi informasiya sistemlərindən (internet, ekstranet və s.) istifadə edilməklə malların alqı-satqısı üzrə həyata keçirilən fəaliyyət sayəsində formalaşıb.
