İqtisadiyyat naziri Mikayıl Cabbarov Ümumdünya Şəhərsalma Forumu (WUF13) çərçivəsində Türkmənistan Prezidentinin yanında Arkadağ şəhərinin Tikinti üzrə Dövlət Komitəsinin sədri Deryageldi Orazov ilə görüşüb.

Görüşdə Azərbaycan-Türkmənistan iqtisadi tərəfdaşlığının inkişaf perspektivləri müzakirə olunub. Tərəflər investisiya, nəqliyyat-logistika və tranzit daşımaları sahələrində əməkdaşlığın müsbət nəticələrini vurğulayıblar.

Həmçinin ticarət, enerji və digər istiqamətlərdə qarşılıqlı fəaliyyətin təşviqi, regional iqtisadi əlaqələrin genişləndirilməsi və yeni əməkdaşlıq imkanları barədə fikir mübadiləsi aparılıb.

Tərəflər iqtisadi əməkdaşlığın daha da dərinləşdirilməsinin hər iki ölkənin dayanıqlı inkişafına və regionda iqtisadi inteqrasiyanın güclənməsinə töhfə verəcəyini qeyd ediblər.

-----

11:56

"Ümumdünya Şəhərsalma Forumu (WUF13) çərçivəsində Türkmənistan Prezidentinin yanında Arkadağ şəhərinin Tikinti üzrə Dövlət Komitəsinin sədri Deryageldi Orazovu ölkəmizdə qarşılamaqdan məmnun olduq.

Azərbaycan – Türkmənistan iqtisadi tərəfdaşlığının inkişafını, investisiya, nəqliyyat-logistika, tranzit daşımaları sahəsində əməkdaşlığın müsbət nəticələrini, ticarət, enerji və digər sahələrdə qarşılıqlı fəaliyyətin təşviqi məsələlərini müzakirə etdik”.

Bu barədə iqtisadiyyat naziri Mikayıl Cabbarov sosial şəbəkə hesablarında paylaşım edib.