Astanada keçirilən TRACECA (Avropa–Qafqaz–Asiya nəqliyyat dəhlizi) Hökumətlərarası Komissiyasının 18-ci iclası çərçivəsində Özbəkistan, Qazaxıstan, Azərbaycan, Qırğızıstan və Ukrayna arasında TRACECA vahid tranzit icazə blankı haqqında Hökumətlərarası Saziş imzalanıb.

Özbəkistan Nəqliyyat Nazirliyinin məlumatına görə, sənəd daşıyıcılara hər hansı əlavə icazə sənədi olmadan vahid icazə blankı ilə Sazişin iştirakçısı olan bir neçə dövlətin ərazisini keçmək imkanı yaradır. Bu, inzibati maneələrin aradan qaldırılmasına və tranzit vaxtının əhəmiyyətli dərəcədə azaldılmasına xidmət edir.