Energetika Nazirliyində Bərpa olunan enerji mənbələrindən istifadə sahəsində layihələrin həyata keçirilməsi üzrə Komissiyanın növbəti iclası keçirilib.

Nazirliyin məlumatına görə, nazir müavini Elnur Soltanovun sədrliyi ilə keçən görüşdə "yaşıl" enerjinin ölkənin enerji təhlükəsizliyi və ixrac potensialındakı strateji rolu vurğulanıb.

İclasda 240 MVt gücündə “Xızı-Abşeron” külək və 230 MVt gücündə “Qaradağ” Günəş elektrik stansiyalarının fəaliyyəti, həmçinin 2025-ci il üzrə görülmüş işlər və gələcək planlar təqdim edilib. Müzakirələr zamanı "yaşıl" enerji dəhlizlərinin yaradılması, stansiyaların şəbəkəyə qoşulma vəziyyəti və infrastrukturun gücləndirilməsi məsələlərinə toxunulub. Müvafiq dövlət qurumlarının nümayəndələrinin iştirak etdiyi tədbirin sonunda növbəti mərhələ üçün konkret tapşırıqlar müəyyənləşdirilib.