16 İyul 2024

VERGİLƏR

SOSİAL-İQTİSADİ ONLAYN QƏZET

"Azfen" Xəzərin Azərbaycan sektorunda yeni platforma tikəcək

"Azfen" birgə müəssisəsi (SOCAR 60 faiz, "Tekfen İnşaat" 40 faiz) Xəzərin Azərbaycan sektorunda yerləşən "Azəri-Çıraq-Günəşli" (AÇG) yataqlar blokunun işlənməsi çərçivəsində yeni platformanın ("Mərkəzi-Şərqi Azəri") tikinti və montaj işlərini həyata keçirəcək. "Tekfen Holding"in yaydığı məlumatda bildirilib ki, AÇG-nin operatoru "BP-Exploration" şirkəti ilə 486,3 mln. dollar dəyərində müqavilə imzalanıb.

Məlumata görə, 16.936 ton ağırlığındakı platformanın inşasının 38 ay müddətində tamamlanması gözlənilir. Bildirilib ki, "Azfen" şirkətində ortaqlıq payına uyğun olaraq "Tekfen İnşaat"ın layihədə payı 194,5 mln. dollardır.

Qeyd edək ki, "Mərkəzi-Şərqi Azəri" layihəsi çərçivəsində dənizin təxminən 140 metr dərinliyində, mövcud "Mərkəzi Azəri" və "Şərqi Azəri" platformalarının arasında yeni 48 şaxtalı hasilat, qazma və yaşayış platforması quraşdırılacaq.

Bu il aprelin 19-da "Mərkəzi-Şərqi Azəri" platforması üzrə yekun investisiya qərarı qəbul olunub. 6 mlrd. dollarlıq layihəyə yeni dəniz platforması və gündəlik 100 min barel neft hasilatını təmin edəcək qurğular daxildir. Platformanın istismar müddəti ərzində 300 mln. barel neftin hasil olunması proqnozlaşdırılır. İlk hasilatın başlaması 2023-cü ildə gözlənilir. AÇG layihəsində iştirak edən şirkətlərin səhm payları aşağıdakı kimidir: BP (30,37 faiz), SOCAR (25,0 faiz ), Chevron (9,57 faiz), INPEX (9,31 faiz), Equinor (7,27 faiz), ExxonMobil (6,79 faiz), TPAO (5,73 faiz), ITOCHU (3,65 faiz), ONGC Videsh Limited (OVL) (2,31 faiz).

Xatırladaq ki, "Azfen" 1996-cı ilin yanvarında SOCAR (60 faiz sahiblik hüququ ilə) və "Tekfen İnşaat və Təsisat A.Ş." (40 faiz sahiblik hüququ ilə) tərəfindən təsis edilib.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?