Azərbaycan Mərkəzi Bankı ikitərəfli əməkdaşlıq çərçivəsində Qazaxıstan Milli Bankının nümayəndə heyəti ilə görüş keçirilib.

Mərkəzi Bankın məlumatına görə, görüşdə əsas diqqət maliyyə sektorunda və xüsusilə mərkəzi (milli) banklarda müasir təcrübələrin, o cümlədən tənzimləyici yeniliklərin mübadiləsinə yönəldilib.

Tərəflər konsolidasiya olunan maliyyə hesabatlığı üçün hazırkı avtomatlaşdırılmış bank informasiya sistemlərinin imkanlarını və inkişafını, Maliyyə Hesabatlarının Beynəlxalq Standartlarının tələblərinə əsasən maliyyə alətlərinin, digər aktiv və öhdəliklərinin tanınmasını və qiymətləndirilməsini, eləcə də yeni maliyyə hesabatlığı standartlarının tətbiqi proseslərini müzakirə ediblər.

Görüşdə həmçinin maliyyə hesabatlılığında şəffaflığın artırılması üzrə mühüm mövzular və qarşılıqlı maraq doğuran digər məsələlər ətrafında fikir mübadiləsi aparılıb.