Bu gün Azərbaycanın strateji valyuta ehtiyatları 74 milyard dollardan çoxdur və inanırıq ki, bu, getdikcə daha da artacaq.

Bunu parlamentin iyulun 4-də keçirilən iclasında “2024-cü il dövlət büdcəsinin icrası haqqında” qanun layihəsinin müzakirəsi zamanı maliyyə naziri Sahil Babayev deyib.

“2024-cü ilin büdcəsi həm gəlirlərin, həm xərclərin icrasında müsbət dinamika göstərməklə yanaşı, eyni zamanda, imkan verdi ki, Azərbaycan öz ehtiyatlarını daha da artırsın”, - deyə nazir əlavə edib.

AZƏRTAC