İqtisadiyyat naziri Mikayıl Cabbarov BƏƏ-nin iqtisadiyyat naziri Abdulla Bin Touq Al Marrinin rəhbərlik etdiyi nümayəndə heyəti ilə görüşüb. Görüşdə qarşılıqlı dostluq və hörmət prinsiplərinə əsaslanan Azərbaycan-BƏƏ əlaqələrinin yüksək səviyyədə olduğu, iqtisadi sahədə uğurlu əməkdaşlıq edildiyi vurğulanıb.

Tərəflər yaşıl iqtisadiyyata keçid sahəsində investisiyaların təşviqi, sənaye, biznes, ticarət və turizm əlaqələrinin genişləndirilməsi və ölkələrimizin iqtisadi diversifikasiya hədəflərinə yönəlik əməkdaşlıq imkanları barədə fikirlərini bölüşüblər.

-----

16:15

"BƏƏ-nin iqtisadiyyat naziri, həmkarım Abdulla Bin Touq Al Marrinin rəhbərlik etdiyi nümayəndə heyəti ilə görüşməkdən məmnun olduq".

Bu haqda iqtisadiyyat naziri Mikayıl Cabbarov məlumat paylaşıb.

"Ölkələrimizin iqtisadi sektorda birgə fəaliyyəti, ticarət, investisiya, sənaye parkları və yaşıl enerji sahəsində əməkdaşlığın genişləndirilməsi barədə müzakirələr apardıq", - nazir qeyd edib.