7 may 2025-ci il tarixində Qətər Ticarət Palatası tərəfindən Doha şəhərində Ticarət və Xəzinədarlığın Transformasiyası Sammiti keçiriləcək.

Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) məlumatına görə, sahibkarlar sözügedən tədbirdə iştiraka dəvət olunurlar.

Sammitin məqsədi rəqəmsal innovasiyaları stimullaşdırmaq və həyata keçirməkdir. Gündəliyə aşağıdakı mövzular daxildir:

- Ticarət maliyyəsinin gələcəyi;

- İslam maliyyəsi və ESG;

- Davamlı xəzinədarlıq;

- Transsərhəd ödənişləri.

Tədbir müxtəlif sektorların nümayəndələrini, o cümlədən bütün sahələr üzrə ixrac, idxal, istehsal və ticarətlə məşğul olan şirkətləri bir araya gətirəcək. Sammitdə iştirak etmək istəyən Azərbaycan sahibkarları aşağıdakı telefon nömrəsi və ya elektron poçt vasitəsi ilə əlaqə saxlaya bilərlər:

Tel.: (+994 51) 229-97-22,

E-mail: [email protected],

Əlaqələndirici şəxs: Zəhra Bağırova