Naxçıvandan Türkiyəyə elektrik enerjisinin ixrac imkanlarını artırmaq məqsədilə “Azərenerji” ASC ilə Türkiyənin Elektrik Ötürülməsi Anonim Şirkəti (TEİAŞ) arasında Əməliyyat Müqaviləsi imzalanıb.

Bu barədə energetika naziri Pərviz Şahbazov “X” sosial şəbəkəsində paylaşımında məlumat verib.

Bildirilib ki, Türkiyənin energetika və təbii sərvətlər naziri Alparslan Bayraktar ilə keçirilən görüşdə birgə strateji əhəmiyyətli enerji təhlükəsizliyi layihələri üzrə əməkdaşlıq dəyərləndirilib. Bununla yanaşı, Cənub Qaz Dəhlizi, Naxçıvan - Türkiyə Enerji Transmissiyası və Azərbaycan, Gürcüstan, Türkiyə və Bolqarıstan Yaşıl Enerji Dəhlizi layihələrinin inkişafı ilə bağlı məsələlər müzakirə edilib.