Bu ilin 1 mart tarixinə Azərbaycan iqtisadiyyatına kredit qoyuluşlarının həcmi 2024-cü ilin eyni dövrünün göstəricisi ilə müqayisədə 19,4 faiz artaraq 29 402,9 milyon manat təşkil edib.

Azərbaycan Mərkəzi Bankının hesabatına əsasən, cari ilin fevral ayına nisbətdə bu göstəricidə 0,2 faiz artım qeydə alınıb.

Hesabat dövründə kredit qoyuluşlarının 24,5 faizi və ya 7 210,1 milyon manatı dövlət bankları, 69,3 faizi və ya 20 382,2 milyon manatı özəl banklar, 6,2 faizi və ya 1 810,6 milyon manatı isə qeyri-bank kredit təşkilatları tərəfindən gerçəkləşdirilib.